Мутахассислар "Оmicron" штаммининг дастлабки аломатларини маълум қилди
Кучли чарчоқ касалланишнинг асосий белгиларидан бири бўлиши мумкин.
"Omicron" штамми билан биринчи бўлиб дуч келган Жанубий Африка шифокорларининг фикрига кўра, коронавируснинг асосий белгиларидан бири кучли чарчоқ ҳиси ҳисобланади. Бу ўзига хос бўлмаган аломат ўз-ўзидан бошқа турли касалликларни пайдо қилиши мумкин", — дейди Москва давлат университети эндокринологи Зуҳра Павлова.
Унинг қўшимча қилишича, бемор ўзининг аҳволи қанчалик оғир эканини тушуна олмайди. Афсуски, бу аломатни оддий чарчоқдан мустақил равишда ажратиб бўлмайди. Инфекция юқтирилганда пайдо бўладиган чарчоқ ҳисси иммунитет тизимидаги, мия ишида ёки асаб тизимининг тўқималарида жиддий ўзгаришлар туфайли юзага келиши мумкин. Коронавирус инфекцияси кўплаб тана тизимлари ишида жиддий бузилишларга олиб келади.
Қоннинг хусусиятлари ўзгаради, бу кўплаб органларнинг қон таъминотини бузади, шунинг учун инсон ўзини жисмонан заиф ҳис қилади. Буларнинг барчаси мушакларнинг заифлашуви билан бирга кечади.
Шунингдек, Эндокринолог кучли чарчоқ каби аломат пайдо бўлганда, COVID -19 учун ПЗР тестидан ўтишга чақирган.
Аввалроқ, дунёни ташвишга солаётган "Omicron" штаммининг илк тасвири пайдо бўлгани ҳамда Япония "Omicron" штамми туфайли хорижликлар учун ёпилгани ҳақида хабар берилганди.
Munojat Valiyeva
