“Толибон” журналист учун сўнгги нажотми?
Ҳамма Афғонистондан қочаётган бир пайтда Янги зеландиялик журналист Шарлотта Беллис мамлакатга қайтиб келди.
Уни Кобулга келишга нима мажбур қилган?
Беллис Қатарда, “Al Jazeera” телеканалида ишлаган. У ва унинг қаллиғи The New York Times газетаси фотографи бўлган Жим ҳам Афғонистонда Афғонистон йўналишида фаолият олиб борган. Беллис Қатарга келгач, ҳомиладор эканини билиб қолади. Қатарда оила қурмасдан ҳомиладор бўлиш жиноий жавобгарликка сабаб бўлиши мумкин. Буни англаган журналист мамлакатдан чиқиб кетишга қарор қилди.
Аммо у Янги Зеландияга карантин чекловлари туфайли қайта олмасди. Шу сабабли Бельгияга кетади. Аммо бу ерда ҳам виза билан боғлиқ муаммолар туфайли узоқ тура олмайди. Беллисда мавжуд ягона виза Афғонистонга тегишли эди. У “Толибон”дан мамлакатга келишга рухсат сўрайди. Ҳаракат бунга изн беради ва журналист хавфсизлигини таъминлашни ваъда қилди.
Шундай бўлса-да, Беллис Афғонистонда фарзандини дунёга келтиришдан қўрқмоқда. У мамлакатдаги тиббиёт ўзи ва бола саломатлигини таъминлашга етмайди, деб ҳисоблаяпти. Беллис Янги Зеландияга қайтиш учун 59 марта мурожаат йўллаган, аммо ҳозирча қайтишга рухсат йўқ.
