АҚШнинг Афғонистондан фуқароларини эвакуация қилиш бўйича аниқ режаси бўлмаган — Axios
Қутқарув операцияси “Толибон” ҳокимиятга келишидан бир кун аввал ишлаб чиқилган.
АҚШ ҳукумати Кобул қулагунга қадар америкаликларни эвакуация қилишни режалаштирмаган. Бу ҳақда Axios хабар берди.
Фақатгина, 2021 йил 14 август куни Афғонистон пойтахти “Толибон” томонидан эгалланишидан бир кун аввал Оқ уйда АҚШ ҳарбий тузилмалари иштирокида йиғилиш ўтказилган. Унда, энг аввало, АҚШ дипломатлари ва фуқароларини, шунингдек, Вашингтон билан келишувга эга иттифоқчи давлатлар фуқароларини эвакуация қилиш таклиф этилган.
Шундан кейингина элчихонада ишлайдиган афғонлар ва НАТО ва АҚШ кучлари билан ҳамкорлик қилган маҳаллий аҳоли вакилларини қутқариш режалаштирилган. Шу билан бирга барча эвакуация қилиниши керак бўлган одамларнинг тўпланиш жойи белгиланмаган.
Аввалроқ Осиё тараққиёт банки Афғонистонга 404 миллион доллар ёрдам ажратгани ҳақида хабар қилинганди.
