Ўзбекистонда “Spark” ишлаб чиқариш тўхтатиладими?
Бу бўйича “O‘zavtosanoat” расмий изоҳ берди.
Бугун ижтимоий тармоқларда "General Motors" компанияси 2022 йилнинг август ойигача "Spark" автомобили ишлаб чиқаришни тўхтатиб, уни сотувдан олиб ташламоқчилиги ҳақида хабарлар тарқалди.
Маълумотларга кўра, "Spark" ҳозирги давр учун "мода"дан қолган ва 2021 йилда ушбу русумдаги автомобилнинг сотуви ҳажми тушиб кетган. Компания унинг ўрнига "Trax" кроссоверини сотувга чиқаришни режалаштирган.
“O‘zavtosanoat” матбуот хизматининг "Nova24"га маълум қилишича, "General Motors" компаниясининг бу қарори Ўзбекистонда камида 2023 йилгача "Spark" ишлаб чиқарилишига тааллуқли эмас. Мамлакатда бу жараён одатдагидек давом эттирилади.
