0
Президентга эргашиб: Туркия мудофаа вазирида ҳам коронавирус аниқланди
Хулуси Акар ҳолати қониқарли эканини маълум қилди.
Ражаб Тоййиб Эрдўғанга Украинада ҳамроҳлик қилган Туркия мудофаа вазири Хулуси Акар ҳам коронавирусга чалинди. Бу ҳақда мудофаа вазирлиги хабар берди.
“COVID-19’га топширган тестим натижаси мусбат чиқди. Бахтимга ўзимни яхши ҳис қиляпман ва биз барча эҳтиёт чораларга риоя қилган ҳолда ишимизни давом эттирамиз”, – дейилади хабарда.
Маълумот ўрнида: Туркия президенти Украинага ташрифидан кейин “omicron”га чалинганини маълум қилган. Шу билан бирга унинг рафиқасида ҳам касаллик аниқланган.
Аввалроқ Шавкат Мирзиёев туркиялик ҳамкасбига шифо тилаб, мактуб жўнатгани тўғрисида хабар қилинганди.
