Мағлубиятдан кейин ҳам олийжаноб бўлиш керак – НАТО қўмондони
Генерал Ричардс “Толибон”ни тан олишга чақирди.
НАТО генерали лорд Девид Ричардс “Толибон” ҳукуматини тан олиш кераклигини маълум қилди.
Унинг фикрича, Ғарб Афғонистондаги мағлубиятини тан олиши зарур. У толиблар билан биргаликда ишлашни таклиф қилган, бу мамлакатдаги оммавий очликни тўхтатишга имкон беради.
Унинг фикрича, Европа ва АҚШ охир-оқибат “Толибон” ҳукуматини тан олади. Шу сабабли, буни кеч бўлмасдан ҳозирнинг ўзидаёқ амалга оширилиши зарур.
“Нафақат ғалабадан, балки мағлубиятдан кейин ҳам олийжанобликни намойиш этиш керак”, – деган Ричардс.
Аввалроқ Афғонистонга 400 миллион доллардан ортиқ ёрдам ажратилгани ҳақида хабар берилганди.
Жаҳонгир Қўзиев
