Нью-Йорк мактабда юзага келган отишмада 2 киши яраланди
Ўқувчини зудлик билан операция қилишга тўғри келди.
АҚШнинг Баффало шаҳридаги ўрта мактабда юзага келган отишма натижасида икки киши жабрланди.
Бу ҳақда Associated Press полицияга таяниб хабар бермоқда.
Полиция комиссари ўринбосари Жозеф Грамалянинг сўзларига кўра, дарсдан сўнг мактаб яқинидаги автотураргоҳда жанжал келиб чиққан ва отишмаган айланган. Натижада икки киши: бир ўқувчи ва қоровул яраланган. Ўсмир шошилинч операция қилинди. Қоровул оёғидан ўқ еган, аммо ҳаётига хавф йўқ.
Полиция хабарига кўра, номаълум шахс автотураргоҳда тўппонча олиб, ундан бир неча марта ўқ узган. Жиноятчи қочиб кетган, полиция уни изламоқда. Отишма вақтида мактабда 100 га яқин одам бўлган. Хавфсизлик юзасидан яқин атрофдаги коллежда дарслар бекор қилиниб, талабалар уйига юборилди.
АҚШ мактаблари ва коллежларида тез-тез отишма содир бўлади. Уларнинг айримлари террорчилик ҳаракати деб ҳам баҳоланиши ҳолатни яхшиламаяпти.
Шарофат Маҳмудова
