Мбаппенинг онаси Мадриддан уй қидирмоқда
Мавсум якунида футболчи испан клубига ўтиши мумкин.
“ПСЖ” ҳужумчиси Килиан Мбаппенинг онаси Мадрид шаҳридан янги уй қидирмоқда. Бу ҳақда “El Chiringuito" TV ўзининг Twitter саҳифасида маълум қилди.
Манбага кўра, ўтган ҳафта футболчининг онаси Испания пойтахтида уй-жой бўйича тавсиялар сўраган. Қайд этилишича, ҳужумчининг онаси Ла Моралеха бой ҳудуддаги иккита уйни олишини айтган.
Аввалроқ, французлар жамоаси билан шартномаси мавсум охирида якунига етадиган 23 ёшли Мбаппе ёзда “Реал” билан шартнома имзолаши ҳақида хабар берилганди. Чемпионлар лигаси 1/8 финалининг биринчи ўйинида Мбаппе “Парк де Пренс” стадионида қаймоқранглилар дарвозасига урилган ягона гол муаллифи бўлди.
Маълумот ўрнида: Мбаппе жорий мавсумда барча турнирларда 32 та ўйинда майдонга тушиб, 22 та гол урди ва 16 та голли узатмани амалга оширди. Трансфермаркт портали ҳужумчининг нархини 160 миллион еврога баҳоламоқда.
Эслатиб ўтамиз, олдинроқ Дракслер “ПСЖ” учун кераксиз футболчига айлангани ва парижликлар Рамосдан норози эканлиги ҳақида хабар берилганди.
Жамшидбек Амиров
