АҚШ билан Хитой ўртасида очиқ қарама-қаршилик шаклланиши мумкин — Ван И
Хитой бош дипломати АҚШ давлат котиби билан телефонда музокаралар ўтказди.
АҚШнинг Ҳинд-Тинч океани минтақасидаги янги сиёсати Хитойга очиқчасига чақириқ ташламоқда. Бу ҳақда Хитой ташқи ишлар вазири Ван И АҚШ давлат котиби Энтони Блинкен билан телефон мулоқоти пайтида маълум қилди.
“Яқинда Америка томони Ҳинд-Тинч океани бўйича янги стратегиясини эълон қилди. Унда Хитой очиқчасига минтақадаги энг катта хавф сифатида кўрсатилган. Бундан ташқари, Тайвань орқали Хитойни тийиб туриш стратегияси Пекинни кучсизлантириш бўйича ёлғон сигнал ҳисобланади”, – деган дипломат.
Хитой ТИВ раҳбари Хитой-Америка муносабатларида олдинга силжиш учун икки давлат раҳбарлари эришган консесусни амалга ошириш керак. Шу билан бирга у Пекин томони келишмовчиликларни тартибга солишга тайёрлигини маълум қилган.
Ван И АҚШнинг айрим расмийлари томонидан Хитой билан узоқ муддат қаттиқ рақобат олиб бориш тўғрисидаги таклифлари конфронтацияга олиб келиши мумкинлигидан огоҳлантирган.
Эслатиб ўтамиз, аввалроқ Хитой мудофаа вазирлиги АҚШ билан Тайвань масаласида келишувга эришиб бўлмаслигини айтганди.
