Ўзбекистон Евроосиё кенгаши йиғилишида кузатувчи сифатида иштирок этди
Ҳукуматлараро кенгаш Ўзбекистоннинг ЕОИИнинг лойиҳалар бўйича ишида иштирокини қўллаб-қувватлади.
Бугун, 25 февраль куни Бош вазир Абдулла Арипов Евросиё ҳукуматлараро кенгаши аъзолари йиғилишида сўзга чиқиб, Ўзбекистон иқлим, рақамлаштириш ва логистика бўйича ЕОИИ лойиҳаларига қўшилиш ниятида эканини таъкидлади.
"Ҳурматли ҳамкасбларимдан Ўзбекистоннинг электрон тижоратни ривожлантириш, темир йўл юкларини рақамлаштириш, "Евроосиё Экспресс" логистика лойиҳаси ва бугунги йиғилишда кўриб чиқилаётган иқлим масалалари бўйича ҳамкорлик каби ташаббусларда иштирок этишини маъқуллашингизни сўрайман", – деди Арипов.
Ўзбекистон Президенти Шавкат Мирзиёев Евросиё иқтисодий комиссияси органларида кузатувчи мамлакатларнинг иштирокини кенгайтириш ташаббуси билан чиқди, шунингдек, Евросиё маконида муҳим бизнес ташаббуслари ва дастурларини амалга оширишда кузатувчи давлатларни янада фаол жалб этишни таклиф қилган эди.
Евроосиё ҳукуматлараро кенгаши Ўзбекистон Республикасининг Евроосиё иқтисодий иттифоқи ишида ўзаро манфаатдорлик йўналишлари бўйича иштирокини кенгайтириш тўғрисидаги ташаббусини мамнуният билан кутиб олди.
Шу билан бирга, Евроосиё иқтисодий комиссиясининг Ҳайъат аъзолари Иттифоқ давлатлари билан биргаликда алоҳида лойиҳалар бўйича ЕОИИда кузатувчи давлатлар билан ўзаро ҳамкорлик шакли ва алгоритмини тасвирлайдиган тартибни ишлаб чиқиш вазифаси юклатилди.
ЕИИ савдо вазири Андрей Слепнёв:
"Ўзбекистон иқлимий кун тартибидаги масалалар, темир йўл юкларини рақамлаштириш, электрон савдо, "Евроосиё агроэкспресс" лойиҳасини амалга ошириш каби тўртта йўналиш бўйича иш олиб боришга қизиқиш билдирди".
Шунингдек, у 2021 йил 14 октябрь ва 10 декабрь кунлари Ўзбекистон Республикаси Президенти Шавкат Мирзиёев Олий Евроосиё иқтисодий кенгаши мажлисларида ўзаро савдо ҳажмини ошириш бўйича ҳамкорликни фаоллаштиришни таклиф қилганини эслатди.
Абдулла Арипов шунингдек, ЕОИИ ҳамкорларига темир йўл ва автотранспортда йўловчи ташишни тиклаш таклиф қилинди.
Унинг таъкидлашича, 2025 йилгача Евроосиё иқтисодий интеграциясининг стратегияси транспорт инфратузилмасини, жумладан, ЕОИИни "Битта белбоғ, битта йўл" ташаббуси билан боғлаш доирасида ривожлантиришни назарда тутади.
"Шу нуқтаи назардан "Хитой-Қирғизистон-Ўзбекистон" темир йўли қурилиши лойиҳасини реал амалга ошириш минтақавий транспорт тармоғининг муҳим бўғинига айланиши мумкин", - деб қўшимча қилди Арипов.
Ҳукумат раҳбари, шунингдек, Ўзбекистон Евроосиё иқтисодий комиссияси билан ўзаро ҳамкорлик бўйича "йўл харитаси"ни мувофиқлаштиришни якунлаётганини маълум қилди. Бош вазир Ўзбекистоннинг Евроосиё тараққиёт банкига аъзо бўлиш шартлари ва тартибларини келишиш жараёни ҳам фаол давом этаётганини қўшимча қилди.
Маълумот учун: Ўзбекистон 2020 йил декабрь ойида ЕОИИда кузатувчи мақомига эга бўлди. ЕОИИ 2015 йилдан буён фаолият юритмоқда. Унга Россия, Беларусь, Арманистон, Қозоғистон ва Қирғизистон киради.
