Жиззахда электр энергиядан ноқонуний фойдаланган ташкилот аниқланди
4 миллиард 79 миллион сўм миқдорида электр энергияси қайта ҳисоб-китоб қилинди.
Жиззах вилоятида истеъмолчиларнинг электр тармоқларига ноқонуний уланиш ҳолатларини аниқлаш бўйича “Ўзэнергоинспекция” томонидан назорат тадбирлари ўтказилди.
Текширув давомида “Jizzax suv ta’minoti” МЧЖга қарашли “Qo‘ytosh” туманлараро сув таъминоти бўлими томонидан истеъмол қилинган электр энергияси ойлик ҳисоботларда кўрсатмай яшириб келинганлиги аниқланди.
Ҳолат юзасидан электр таъминоти корхонаси томонидан 9 079 988 кВт.соатнинг ҳисоботи юзасидан қайта текширув ўтказилди. Ушбу ҳажмдаги электр энергияси 45 мингдан ортиқ хонадоннинг ўртача 1 ойлик истеъмолини ташкил қилади.
Қоидабузарликка қонуний чора кўрилиши учун ҳужжатлар ҳуқуқни муҳофаза қилувчи органларга тақдим этилди.
