Ўзбекистоннинг давлат қарзи қарийб 26,5 миллиард АҚШ долларига етди
Қарз миқдори 2021 йил давомида қарийб 3 миллиард долларга ошди.
Давлат қарзи қолдиғи 2022 йилнинг 1 январь ҳолатига 26,3 миллиард АҚШ долларига етди.
Бу ҳақда 2021 йил учун Ўзбекистон давлат қарзи ҳолати ва динамикаси шарҳида келтирилади.
Мазкур суммадан давлат ташқи қарзи — 23,6 миллиард АҚШ доллари, давлат ички қарзи — 2,7 миллиард АҚШ доллари ёки ялпи ички маҳсулотга (ЯИМ) нисбатан 38,0 фоизни ташкил этди.
Қайд этилишича, давлат қарзининг ЯИМга нисбати 2021 йил бошида 39 фоиздан 2022 йилнинг 1 январь ҳолатига 38 фоизгача пасайди.
Давлат қарзи 2021 йил давомида 2,9 миллиард долларга ошган бўлсада, АҚШ доллари ҳисобида ялпи ички маҳсулот тез сурьатларда, яъни 9,4 миллиард долларга ўсганлиги туфайли давлат қарзининг ЯИМга нисбати пасайган.
Халқаро валюта жамғармасининг мамлакатлар иқтисодиётига бағишланган ҳисоботига кўра, Ўзбекистоннинг давлат қарзи бугунги кунда “мўътадил” даражада ҳисобланади.
