Трампдан кутилган фикр: Украина инқирозида Байден айбдор
У бундан олдин АҚШ ҳарбийлари Афғонистондан олиб чиқилганда Байден истеъфосини талаб қилганди.
Оқ уйнинг собиқ раҳбари ўз тарафдорлари олдида нутқ сўзлай туриб Байденни Украинада юзага келган вазиятда айблади.
“Украинада ҳозир уруш бўлмаслиги керак эди. Байден, НАТО ва Ғарб бунчалик жирканч йўл билан унинг бошланишига йўл қўйгани инсоният учун даҳшат”, — деган Трамп.
Дональд Трамп амалдаги президент Жо Байденнинг деярли ҳар бир қарорини ва қадамини танқид қилиши янгилик эмас. АҚШ ҳарбийлари Афғонистондн олиб чиқишлганда Трамп Байденнинг истеъфосини талаб қилган эди.
“Байденнинг истеъфоси унчалик катта воқеа бўлмайди. Чунки у, биринчидан, ноқонуний сайланган, қолаверса, Афғонистондаги воқеалар шу даражага етишига йўл қўйган”, — деган эди ўшанда Трамп.
Байден эса ўзининг Трампдан кўра муваффақиятлироқ эканини таъкидлайди.
Аммо Американинг Emerson College мутахассислари томонидан ўтказилган сўровнома натижалари АҚШнинг собиқ президенти Дональд Трампнинг обрўси амалдаги президент Жо Байдендан баланд эканини кўрсатмоқда.
Якуний натижага кўра, сўралганларнинг 48%и Трампни, 44%и Байденни қўллаб-қувватлашини билдирган.
Бир неча куни олди Американинг машҳур сиёсатчиларидан таркиб топган "Америка демократ социалистлари" гуруҳи Украинадаги вазият бўйича ўз хулосасини эълон қилди. Унда АҚШ ва унинг ҳамкорлари жорий қилган санкциялар "уруш қаршисидаги баланс" деб баҳолаб Байденни танқид қилганди.
