Шавкат Мирзиёев Покистон Бош вазири қароргоҳига кўчат экди
Айни пайтда Президент давлат ташрифи билан Покистонга бўлиб турибди.
Президент матбуот котибининг хабар қилишича, Покистон Бош вазирининг қароргоҳида Ўзбекистон Республикаси Президентини расмий кутиб олиш маросими бўлиб ўтган.
Маросимда Шавкат Мирзиёев ва Имрон Хон фахрий қоровул олдидан ўтиб, шоҳсупага кўтарилган. Ўзбекистон ва Покистоннинг давлат мадҳиялари янграган.
Маросимда икки мамлакат расмий делегациялари аъзолари ҳам ҳозир бўлган.
Шавкат Мирзиёев халқларимиз дўстлиги, ҳамжиҳатлиги рамзи сифатида қароргоҳ боғига кўчат эккан.
Шундан сўнг, икки мамлакат етакчиларининг тор доирадаги музокараси бошланган.
