Бизга қарши гибрид уруш узоқ давом этади — Лукашенко
Беларусь раҳбари Украина низоси тез орада тугашини тахмин қилган.
Беларусь президенти Александр Лукашенко 4 март куни Путин билан икки соат телефонда мулоқот қилганини айтди. Бу ҳақда "ТАСС" хабар берди.
Лукашенко бу ҳақда республикада ўтказилган референдум якунлари бўйича маросимда маълум қилган.
"Украинада низо қандай оғир бўлмасин, бугун бошланди, эртага тугайди. Аммо Беларусга қарши бошланган гибрид уруш, айниқса, иқтисодиёт ва молиядаги санкциялар узоқ давом этади. Улар бизга қаттиқ ёпишиб олди. Мен бу ҳақда бугун Путин билан икки соат мобайнида гаплашдим", – деган у.
Маълумот ўрнида: 24 февралда Россия Украниада махсус ҳарбий амалиёт бошлагач, Гарб Москва билан бирга, Белврусга қарши чекловлар жорий этди. Бир қанча давлатлар Минскни Россия босқинига ёрдам беришда айбламоқда.
Эслатиб ўтамиз, аввалроқ Беларусь Украинага қўшин киритиши мумкинлиги айтилганди.
