Олаф Шольц собиқ ҳамкасбидан Россия компанияларига раҳбарлик қилишни тўхтатишни сўради
Герхард Шрёдер нефть-газ гигантлари директорлари кенгаши раиси ҳисобланади.
Германия канцлери Олаф Шольц собиқ канцлер Герхард Шрёдерни рус компанияларидаги лавозимларидан воз кечишга чақирди. Бу ҳақда "ТАСС" хабар берди.
"Шрёдерга маслаҳатим — у ушбу лавозимлардан воз кечиши керак", — деган у.
Бундан аввал Германия социал-демократик партияси ҳам собиқ канцлерга шундай мурожаат билан чиққанди. Эътиборлиси, Шольц ҳам, Шрёдер ҳам шу партия аъзоси.
Маълумот ўрнида: Герхард Шрёдер 1998-2005 йилларда Германия ҳукуматини бошқарган. Ўз вақтида Германияни Россиянинг ЕИдаги асосий хамкорига айлантирди. Шрёдер ва Путин дўст сифатида кўрилади.
Собиқ канцлер 2017 йилдан буён "Роснефть" директорлар кенгаши раиси ҳисобланади. Шунингдек, Nord Stream AG акционерлар қўмитаси ва шу компания директорлар кенгашига раислик қилади.
Эслатиб ўтамиз, аввалроқ Германия молия вазири Москва билан айрим молиявий каналлар сақланиб қолинганини маълум қилганди.
