Байден Американи дўзахга айлантирмоқда — Трамп
Собиқ президент Байденнинг рейтинги сунъий кўтарилганини айтди.
АҚШ президент Байден сиёсати туфайли дўзахга айланмоқда. Собиқ президент Дональд Трамп шундан айблов билан чиқди.
Унинг сўзларига кўра, Оқ уйнинг амалдаги раҳбарининг солиқларни ошириш тўғрисидаги қарори АҚШ иқтисодиётини ўлдириш билан тенг.
Шунингдек Трамп Байденнинг фаолиятини ижобий баҳолаб бўлмаслигини ва унинг ишонч рейтинги сунъий кўтарилганини айтди. Айни пайтда Жо Байден рейтинги 37%.
"Унга қандай қилиб шундай муносабатда бўлиш мумкин? Мамлакат дўзахга айланмоқда", - деди Трамп.
Бундан ташқари Трамп Американинг кўплаб шаҳарларида жиноятчилик даражаси юқори эканини ва бунда кучсиз миграция сиёсати айбдор эканини таъкидлади.
"Уларни ҳеч ким текширмайди, улар билан суҳбатлар ўтказилмайди. Биз улар қаердан келаётганини ҳам билмаймиз", — дейди у.
Эслатиб ўтамиз, аввалроқ Трамп Украинадаги вазиятда ҳам Жо Байденни айблаганди.
