АҚШ Путинга икки йўл борлигини кўрсатиши лозим – Трамп
Собиқ президент нима учун Россияни тўхтатиб бўлмаётганига изоҳ берди.
Украина инқирози учинчи жаҳон урушини келтириб чиқариши мумкин. Бу ҳақда АҚШ собиқ президенти Дональд Трамп маълум қилди.
“Бу учинчи жаҳон урушига олиб келиши мумкин. Мен нима бўлаётганини кўриб турибман. АҚШ Путинга икки йўл борлигини тушунтириши лозим. Улар – дарҳол тинчлик музокараларини бошлаш ёки тезкор чораларни, жумладан, Ғарбнинг Россия энергетик ресурсларидан қарамлигини йўқ қилиш”, – деган у.
Трампнинг фикрича, ҳозирги Америка администарциясидан ҳеч ким Россия, хусусан, Путин билан гаплаша олмаслиги сабаб Москва ўз мақсадларига эришиш учун тўхтамаяпти.
Маълумот ўрнида: 24 февраль куни Россия Украинага қарши махсус операция бошлашини эълон қилди. Ҳозирга қадар Украинанинг бир қатор шаҳарлари яқинида оғир жанглар кетмоқда. Мамлакатдаги вазият гуманитар ҳалокат ёқасида.
Ғарб давлатлари Москванинг бу хатти-ҳаракатларига жавобан унга қарши иқтиосдий-молиявий санкциялар жорий этди. Бундан ташқари, тақиқлар шахсан президент Владимир Путинга ҳам жорий этилган.
Аввалроқ Украина ташқи ишлар вазири унинг мамлакати дунёда уч жабҳада ғалабага эришганини маълум қилганди.
