Украина халқаро жабҳада учта йирик ғалаба қозонди
Улардан бири – дунёда украиналикларга нисбатан ҳурматнинг ошганлиги.
Украина ташқи ишлар вазири Дмитрий Кулеба халқаро, дипломатик жабҳада учта йирик ғалабани эълон қилди.
Биринчиси ахборот урушида: “Дунёда ҳеч ким рус ривоятларига ва уларнинг бу урушни тушунтиришга ишонмайди”.
Иккинчиси – Украина ва дунёдаги украинларга нисбатан муносабатнинг яхшилиги.
“Бугун АҚШда социологик тадқиқот эълон қилинди, америкаликлар энди украиналикларга немислар ёки бошқа дўст халқларга қандай муносабатда бўлса, худди шундай муносабатда бўлишларини кўрсатди... Украина ҳозир тарихда дунёдаги энг юқори обрўга эга”, — деди Кулеба.
Учинчиси – Россия Федерациясига нисбатан кучли санкциялар қўлланилиши туфайли мамлакат иқтисодиётининг заифлашиши.
Кулеба, шунингдек, Ташқи ишлар вазирлиги хорижга кетган украиналик қочқинларни максимал даражада қўллаб-қувватлаш бўйича иш бошлаганини ҳам таъкидлаган.
