1 апрелдан бошлаб айрим шахслар даромад солиғидан озод қилинади
Бу бўйича Президент қарори қабул қилинган.
Жорий йилнинг 17 январь куни “Капитал бозорини қўллаб-қувватлашнинг самарали механизмларини жорий этишга доир қўшимча чора-тадбирлар тўғрисида”ги Президент қарори қабул қилинганди.
Қарорга мувофиқ, 1 апрелдан бошлаб қуйидаги тоифадаги шахсларга бир қатор солиқ имтиёзлари берилмоқда.
– Ўзбекистон резиденти ва норезиденти бўлган жисмоний шахсларнинг акциялардан олган дивидендлари даромад солиғидан озод қилинади;
– норезидент юридик шахсларнинг акциялар бўйича дивидендлари учун фойда солиғининг 5 фоиз ставкаси татбиқ этилади;
– резидент ва норезидент жисмоний ва юридик шахсларнинг хўжалик жамиятлари облигациялари бўйича даромадлари даромад солиғи ва фойда солиғидан озод қилинади.
Ушбу имтиёз 2024 йилнинг 31 декабригача амал қилади.
