Усик ва Жошуа. Реванш жанг санаси маълум
Тўқнашув ёзда бўлиб ўтади.
Таниқли инсайдер Ден Рафаэл оғир вазн тоифасида WBА, WBО, IBF ва IBО йўналишлари бўйича жаҳон чемпиони Александр Усик ва британиялик Энтони Жошуа ўртасидаги реванш жангининг санаси ҳақида гапирди. Рафаэлнинг манбаларига таянган ҳолда хабар беришича, жанг 23 июль куни бўлиб ўтиши мумкин.
Олдинроқ, Усик ва Жошуа ўртасидаги жанг июнь ойи охирида, хусусан, 25 июнь куни бўлиб ўтиши мумкинлиги хабар қилинганди.
Эслатиб ўтамиз, Усик ва Жошуа ўртасидаги биринчи жанг “Тhe Ring” нашрига кўра 2021 йил воқеаси деб тан олинган. Қарама-қаршилик 12 раунд давом этган, шундан сўнг ҳакамлар бир овоздан украиналик боксчига ғалабани беришганди.
Аввалроқ, Муроджон Аҳмадалиев яна ҳимоя жангини ўтказиши ва 2021 йилнинг энг яхши бокс жанги маълум қилингани ҳақида хабар берилганди.
Жамшидбек Амиров
