Швеция ва Финляндия шу йилнинг ўзидаёқ НАТО аъзосига айланади — The Times
Бу бўйича икки давлат биргаликда иш олиб бормоқда.
Швеция ва Финляндия 2022 йил ёзидаёқ НАТОга қўшилиши мумкин. Бу ҳақда The Times газетаси хабар берди.
Унга кўра, расмий Хельсинки июнь ойида альянсга қўшилиш учун ариза беради. Ундан сўнг Швеция ҳам шундай йўл тутиши тахмин қилинмоқда.
Газета манбаларига кўра, икки давлат НАТОга қўшилишда ўз аҳолиси орасида консенсусга эришиш мақсадида биргаликда иш олиб боряпти. Аммо шу билан бирга альянсга аъзолик бўйича якуний қарорни мамлакатлар мустақил қабул қилади.
Аввалроқ НАТО бош котиби Йенс Столтенберг Финляндиянинг альянсга тезкор аъзо бўлиши мумкинлиги ҳақида гапирганди.
