Ерликлар сайёралар парадини кузатиши мумкин
"Кичик сайёралар парад"ида тўртта сайёра: Юпитер, Сатурн, Марс ва Венера иштирок этади.
Қуёш тизимидаги сайёраларнинг битта чизиқда жойлашаши “Сайёралар паради” феномени деб аталади. Астрономлар уларни кўриш учун энг қулай вақт – 20 апрель тонгги соат 4:00 эканлигини айтишмоқда. Сайёраларни юлдузлардан фарқлаб олиш учун осмонда барқарор нур сочаётган объектни қидириш лозим. Сайёралар ёруғлиги Ер атмосферасининг таъсирига юлдузларга нисбатан камроқ дуч келади.
Астрономлар жорий йилнинг 24 июнь санасида ҳам “Сайёралар паради” феномени кузатилишини маълум қилган. Ёзда сиз оддий кўз билан Моино Меркурий, Венера, Марс, Юпитер ва Сатурн, шунингдек, махсус оптик ускуналар ёрдамида — Нептун ва Уранни ҳам кўриш мумкин бўлади.
