Қорақалпоғистонлик фуқаро фарғоналик шахснинг пластигидан пул ўғирлади
Ҳозирда фирибгарга нисбатан жиноят иши очилган.
Пластик картадаги пулларни яширин равишда ечиб олган шахсга жиноят иши қўзғатилди, дея хабар бермоқда УзА ахборот агентлиги.
Қайд этилишича, номаълум шахс Фарғона вилояти Ёзёвон тумани “Қоратепа” маҳалласида яшовчи фуқарога телефон қилиб, унинг ишончига киради. Шундан сўнг унга тегишли пластик карта ҳисобида бўлган 6 миллион 60 минг сўм пулларни фирибгарлик йўли билан ечиб олади.
Ҳозирда мазкур ҳолат юзасидан Ёзёвон тумани ИИБ ҳузуридаги тергов бўлинмаси томонидан Жиноят Кодексининг 168-моддаси 2-қисми “в” банди билан жиноят иши қўзғатилган.
Олиб борилган терговга қадар текширув ҳаракатлари давомида ушбу жиноятни Қорақалпоғистон Республикаси Тўрткўл туманида яшовчи шахс содир этганлиги аниқланиб, далилий ашё билан ушланган.
