0
Ўзбекистон икки ойда қарийб 5 минг тонна анор экспорт қилди
Энг кўп анор Россия ва Қозоғистонга жўнатилган.
Ўзбекистон 2022 йилнинг январь-февраль ойларида хорижий давлатларга қиймати 5,4 млн AҚШ долларига тенг бўлган 4,9 минг тонна анор экспорт қилди. Бу хақда Давлат статистика қўмитаси хабар берди.
Қайд этилишича, анор экспорти ўтган йилнинг мос даври билан солиштирилганда 1,5 минг тоннага ошган.
Ўзбекистон 2022 йилнинг дастлабки икки ойида Россияга 2,5 минг тонна, Қозоғистонга 1,7 минг тонна, Тожикистонга 492 тонна, Қирғизистонга 239 тонна анор экспорт қилган.
Мазкур даврда хорижга Қашқадарё (998 тонна), Сурхондарё (823 тонна), Тошкент (767 тонна) ва Фарғона (661 тонна) вилоятлари энг кўп анор экспорт қилган.
