0
Шимолий Кореядан навбатдаги ракета синови
Бу сафар унда шахсан Ким Чен Ин иштирок этган.
Шимолий Корея шанба куни Япон денгизи тарафга ракета учирди. Бу ҳақда “Yonhap” агентлиги хабар берди.
Агентликнинг Жанубий Корея ҳарбийларига таяниб берган маълумотига кўра, у 110 километрга учиб борган, 25 километр баландликка кўтарилган. Бундан ташқари, ракета тезлиги 4 Мах (соатига 4900 километр)ни ташкил этган.
КХДР давлат ОАВларига кўра, ракета синовларида шахсан Ким Чен Иннинг ўзи иштирок этган. У мамлакат мудофаа салоҳияти ва ядро кучларини янада кучайтиришга топшириқ берган. ОАВ ракета синови мувафаққиятли ўтганини таъкидлаган.
Аввалроқ Сеул Пхеньянни мулоқотга чақирганди.
