Покистон “Толибон”га талаб қўйди
Бу террорчилар ҳужуми билан боғлиқ.
Покистон ташқи ишлар вазирлиги расмий вакили Асиф Ифтихор толиблардан ўз ҳудудига бўлаётган ҳужумларни тўхтатишни талаб қилди. Бу ҳақда “Sputnik Афганистан” хабар берди.
Ифтихор террорчилар Афғонистон ҳудудидан Покистон ҳарбийларига ҳужум уюштириш учун фойдаланаётганини қайд этган. Унинг қўшимча қилишича, бу ҳолат айниқса сўнгги кунларда кўпайган.
Ифтихор бир неча ойлик музокаралар натижа бермаганини маълум қилган. Террорчилар, хусусан “Таҳрики Толибон Покистон” жангариларининг ҳарбийларга ҳужуми кучайган. У бу каби ҳодисалар минтақада тинчлик ва барқарорлик ўрнатишга жиддий тўсиқ эканини таъкидлаган.
Аввалроқ афғон-Покистон чегарасида ҳарбий тўқнашув содир бўлгани тўғрисида хабар берилганди.
