Сомалида кучли портлаш юз берди
Оқибатда10 нафар аскар ҳалок бўлган.
Сомали жанубида йўлга ўрнатилган қўлбола бомбанинг портлаши оқибатида камида 10 нафар аскари ҳалок бўлди. Бу ҳақда “Sinxua” ахборот агентлиги хабар берди.
Қайд этилишича, портлаш вақтида армия карвони Балад ва Жовҳар шаҳарлари орасидаги шоссе бўйлаб ҳаракатланаётган бўлган. Ҳодисада бир неча киши жароҳатланган, уларнинг сони ҳозирча аниқмас. Расмийлар ҳужумда “Аш-Шабоб” террорчилик гуруҳини айбламоқда. Аммо гуруҳнинг ўзи портлаш учун жавобгарликни ўз зиммасига олгани йўқ.
Эслатиб ўтамиз, аввалроқ Афғонистондаги 2 та электр устуни портлатилгани ва бунинг оқибатида мамлакатнинг 11 та ҳудуди электр токисиз қолгани хабар қилинганди.
