Австрия Россия газига санкция қўйилишига қарши
Бу ҳақда мамлакат иқтисодиёт вазири маълум қилди.
Австрия Россия газига эмбарго жорий этилишига қарши чиқмоқда. Бу ҳақда мамлакат рақамлаштириш ва иқтисодиёт вазири Маргарет Шрамбёк маълум қилди.
“Газ эмбаргоси — Австрия учун аниқ қизил чизиқ. Буни биз ҳам, Германия ҳам кўтара олмайди. Австрия томондан ҳам, Германия томондан ҳам биз бунга йўқ деймиз, чунки эмбарго фойдадан кўра кўпроқ зарар келтиради”, – деган у.
Шунингдек, Шрамбёк экологик тоза йўл билан газ қазиб олишни ҳамда қуёш ва водород энергетикаси бўйича Саудия Арабистони билан ҳамкорликни кенгайтиришга чақирган.
Аввалроқ Европа Россиядан газ етказиб беришни чеклашга тайёр эмаслиги тўғрисида хабар берилганди.
