Путин ва Байден мулоқотни қайта тиклаши керак — Италия бош вазири
Марио Драги АҚШга ташрифи юзасидан маълумот берди.
Италия бош вазири Марио Драги Жозеф Байден ва Владимир Путинни тўғридан-тўғри мулоқот қилишга чақирди. Бу ҳақда у ҳукумат йиғилишида гапирган.
"Алоқалар қайта ишга туширилиши ва барча даражаларда фаоллашиши керак", — деган бош вазир.
Драгининг сўзларига кўра, ушбу музокараларда Украина энг асосий ролни ўйнаши керак. 19 май куни бош вазир ушбу масалада Италия парламентида ҳам чиқиш қилади.
Аввалроқ Драги Вашингтонга ташрифида Украина бўйича музокараларда барча томонлар, хусусан АҚШ ҳам иштирок этиши кераклигини таъкидлаганди. Аммо унинг шартлари Киев томонидан илгари сурилиши лозим.
Аввалроқ Венгрия ТИВ Будапештда Россия-Украина музокараларини ўтказишни таклиф қилганди.
