Хоразмда кучли шамол уй томларини учириб кетди
Оқибатда том қопламалари автотураргоҳни босиб қолган.
Бугун, 21 май куни Урганч шаҳар Абулғози-Баходирхон кўчасидаги уйнинг таҳминан 70 метр/квадрат майдонида том ёпма қопламасини шамол учириб, уйнинг орқа томонидаги автотураргохга туширган. Ҳодиса оқибатида “Gentra” автомобили техник зарарланган.
Урганч тумани "Ғалаба" МФЙдаги хусусий уйнинг таҳминан 80 метр/квадрат майдонда уйини шифер қопламаси шамол оқибатида учиб ерга кулаб тушган. Воқеа жойида тан жарохати олганлар йўқ.
Навоий вилоятининг Учқудуқ туманида "Дўстлик" МФЙда жойлашган уйнинг тахминан 5 метр/квадрат, "Йўлчилар" МФЙда 2 та хонадонларнинг тахминан 4 квадрат/метрдан том қисми шифер ва туникаларини учирган.
Эслатиб ўтамиз, ФВВ 21–23 май кунлари Ўзбекистон ҳудудида кучли шамол ва ёмғир ёғиши мумкинлиги ва ушбу табиий ҳодисаларнинг эҳтимолий оқибатлари ҳақида аҳолини огоҳлантирганди.
