Россия Финляндияга газ етказишни тўхтатди
Бу қарор мамлакатнинг газ учун рублда тўлов қилишни рад этгани билан изоҳланмоқда.
Россиянинг “Газпром” компанияси Финляндияга газ етказиб беришни тўхтатганини маълум қилди. Бу қарор Финландиянинг газ учун тўловни рублда амалга оширишни рад этиши билан изоҳланмоқда.
Қайд этилишича, “Gazprom Export” 2021 йилда “Gasum” компаниясга 1,49 миллиард куб метр газ етказиб берган, бу Финляндиядаги умумий газ истеъмолининг учдан икки қисмини ташкил қилган.
Газ етказиб бериш тўхтатилганини “Gasum” компанияси ҳам тасдиқлади.2022 йил ёз мавсумида Финляндия оператори ўз мижозларини бошқа манбалардан, яъни Эстониядан “Балтиccоннеcтор” қувури орқали газ билан таъминлайди.
Аввалроқ Финляндия бош вазири Санна Марин мамлакат Россия табиий гази ва нефтини тезда тўхтатишга тайёрлигини айтган эди. Шунингдек, Финляндия март ойида Россиядан нефт импортини 70 фоизга қисқартиргани хабар қилинган.
