0
“Тошкент – Ҳожикент” йўналишидаги йўловчи поездлар қатнови вақтинча бекор қилинади
Бунга йўналишда навбатдаги капитал таъмирлаш ишлари сабаб бўлган.
Транспорт вазирлиги Ахборот хизмати маълум қилишича, йўналишидаги йўловчи поездлар қатнови вақтинча тўхтатилади.
Манбага кўра, 2022 йил 26 май куни “Тошкент МТУ” УК йўлсозлари томонидан “Тошкент – Ҳожикент” йўналишидаги темир йўл капитал таъмирланади.
Шу боис, поездлар ҳаракат хавфсизлиги ҳамда йўловчилар хавфсизлигини таъминлаш мақсадида, шу куни соат 10:00 дан 16:00 га қадар “Тошкент – Ҳожикент – Тошкент” йўналишида ҳаракатланадиган 6430 ҳамда 6435-сонли шаҳарлараро йўловчи поездлар қатнови бекор қилинади.
“Ўзбекистон темир йўллари” АЖ раҳбарияти ноқулайлик учун йўловчилардан узр сўраган.
