Ўзбекистонда “Ректорлар мактаби” тизими йўлга қўйилади
Бу бўйича Ҳукумат қарори қабул қилинди.
Ҳукумат қарори билан Республика олий таълим кенгаши таркиби янгиланди ва кенгашга янги ваколатлар берилди. Хусусан, киритилган ўзгаришларга мувофиқ эндиликда:
➖ Олий таълим соҳасига тегишли барча норматив-ҳуқуқий ҳужжатлар лойиҳалари Кенгаш билан келишилади;
➖ Республика олий таълим кенгаши Тошкент давлат транспорт университети биносига текин фойдаланиш ҳуқуқи асосида жойлаштирилади;
➖ республикадаги барча олий таълим муассасалари ва ректорларнинг мустақил рейтингини шакллантириш ҳамда уларнинг йиллик ўсиш динамикасини таъминлаш бўйича ташкилий масалаларда кўмаклашилади.
Тошкент давлат транспорт университети ректори лавозимида ишлаб келаётган Одил Абдурахманов бир вақтнинг ўзида Кенгашга раислик қилади.
