0
“100 метр масофага секин ҳайдадим” (видео)
Вояга етмаган 16 ёшли бола ҳужжатсиз автомобиль бошқаргани аниқланди.
Ўтказилган рейд тадбирларида Сурхондарёда тўхтатилган "Spark" русумли автомобиль бошқарувидан 16 ёшли бола тушиб келди. Бу ҳақда Йўл ҳаракати хавфсизлиги хизмати маълум қилди.
Ҳолат бўйича тегишли ҳужжатлар расмийлаштирилди. Транспорт воситаси вақтинча сақлаш учун жарима майдонига қўйилди.
“Барча ота-оналардан вояга етмаган фарзандларига автомобиль бошқаришга рухсат бермасликларини, эътиборли бўлишларини сўраймиз”, дейилади хабарда.
Эслатиб ўтамиз, аввалроқ 7-синф ўқувчиси руль бошқарувини йўқотиши оқибатида мудҳиш ҳодиса рўй берганди.
