Ўзбекистонда неча киши Президентнинг ваколат муддатини узайтириш юзасидан таклиф бергани очиқланди
Маълум қилинишича, бу бўйича комиссияга 3 минг 29 та таклиф келиб тушган.
Ўзбекистон Конституциясининг 90-моддасига келиб тушган таклифларнинг 3 минг 29 таси президентнинг сайланиш муддатини 7 ёки ундан кўп муддатга ўзгартириш билан боғлиқ. Бу ҳақда Конституциявий комиссия матбуот котиби Одилжон Тожиев маълум қилди.
Қайд этилишича, комиссияга келиб тушган жами таклифларни таҳлил қилганда, энг кўп ўзгартириш таклиф қилинган бўлимлар иккинчи, учинчи ва бешинчи бўлимлардир. Биргина бешинчи бўлимга ўзгартиш ва қўшимчалар киритиш бўйича жами 6 минг 302 та таклиф келиб тушган.
Шунингдек, Конституциянинг 41-моддасига келиб тушган 1 минг 658 та таклифларнинг аксарияти “ўқитувчи ва педагогларнинг юксак мақомини белгилаш, унинг ишларига аралашув чекланиши”га доир нормани киритишга оиддир.
