Исроил парламенти ўзини тарқатиб юборишга овоз берди
Бош вазир Нафтали Беннет сиёсатни тарк этмоқчи.
Исроил парламенти (Кнессет) 30 июнь ўзини-ўзи тарқатиб юбориш учун овоз берди. Бу ҳақда “The Jerusalem Post” нашри хабар бермоқда.
Қайд этилишича, навбатдаги парламент сайловлари 2022 йил 1 ноябрда бўлиб ўтади. Бу сўнгги уч йилдаги бешинчи сайлов ҳисобланади. Унгача эса ташқи ишлар вазири Яир Лапид бош вазир вазифасини бажарувчи лавозимида ишлайди.
Овоз бериш кеча бўлиб ўтиши керак эди, бироқ коалиция ва мухолифат сайлов санаси борасида келиша олмади. Мухолифатдаги парламентарийлар сайловни 25 октябрда ўтказишни талаб қилган. Партия рўйхатлари 15 сентябргача топширилиши керак.
29 июнь, чоршанба куни Исроил бош вазири Нафтали Беннет сиёсатни тарк этиши ва янги парламент сайловларида иштирок этмаслигини маълум қилди.
