Автомашина эгаси ўзгарса, “тонировка” рухсатномасининг амал қилиш муддати сақланиб қоладими?
Бу бўйича ИИВ томонидан янги тартиб жорий қилинади.
Жорий йилнинг 1 сентябригача Ички ишлар вазирлиги томонидан “тонировка” қилинган транспорт эгаси ўзгарганда, давлат рақами алмаштирилганда ёки эгасининг маълумотларида ўзгариш бўлганда “тонировка” учун берилган рухсатноманинг амал қилиш муддатини сақлаб қолиш тартиби ишлаб чиқилади. Бу Ўзбекистон Республикаси Президентининг “Автотранспорт воситаларидан фойдаланишда аҳолига қўшимча қулайликлар яратиш чора-тадбирлари тўғрисида”ги Қарорида кўрсатиб ўтилган.
Эслатиб ўтамиз, 2022 йил 1 июлдан енгил автотранспорт воситаларининг орқа ён ойналарини қорайтириш бепул амалга оширилади.
Олд ён ойналари тусини қорайтиришга рухсатнома берганлик учун БҲМнинг 8 баравари (2 млн 400 минг сўм) миқдорида тўлов ундирилади. Ушбу давлат хизмати ЯИДХП орқали кўрсатилганда тўлов миқдори 2 млн 160 минг сўмни ташкил этади.
