“UzAuto Motors” Президент топшириғини бажарди
Компания жорий йилда автомобиль ишлаб чиқаришнинг янги рекордини ўрнатди.
“UzAuto Motors” Президент топшириғини бажариб, 2022 йилнинг биринчи ярим йиллигида 160 000 дона автомобиль ишлаб чиқарди. Бу ҳақда компания Матбуот хизмати хабар қилди.
Қайд этилишича, илк маротаба биринчи ярим йилликда заводда 160 000 дона автомобиль ишлаб чиқарилган. Шундай қилиб, корхона меҳнат жамоаси ишлаб чиқаришнинг янги рекордини ўрнатган.
Шу муносабат билан компаниянинг йиғиш цехида 160 000-чи автомобилнинг чиқишига тантанали тадбир ташкил этилган.
“UzAuto Motors” АЖ бош директори Бо Андерсон мамлакат президенти томонидан жамоа олдига қўйилган мақсадга эришишда қўшган ҳиссаси учун барча ходимларга ўз миннатдорчилигини билдирган. Шунингдек, Чевролет Лаcетти ва Cобалт автомобил моделларини кутиш муддатини қисқартирилгани ҳамда компаниянинг яқин орада мақсади Чевролет Траcкер ва Оних автомобиллари ишлаб чиқарилишини муваффақиятли йўлга қўйиш эканлигини маълум қилган.
Ўз ишини яхши кўрсаткичлар билан қайд этган ходимлар фахрий ёрлиқ ва қимматбаҳо совғалар билан тақдирланган.
