Туркманистон Президенти Фахрий меҳмонлар хиёбонига дарахт экди
Аввалроқ Сердар Бердимуҳамедов “Кўксарой” қароргоҳида расмий кутиб олинганди.
Туркманистон Президенти Сердар Бердимуҳамедов Ўзбекистонга давлат ташрифининг биринчи куни якунида Президент Шавкат Мирзиёев ҳузурида “Кўксарой” қароргоҳининг Фахрий меҳмонлар хиёбонида дарахт экди. Бу ҳақда Президент матбуот хизмати хабар берди.
“Ушбу эзгу анъана яқин йилларда мамлакатларимиз ўртасидаги кўп қиррали ҳамкорликни ва стратегик шерикликни кенгайтириш учун пойдевор бўладиган олий даражадаги музокараларнинг сермаҳсул натижаларини мустаҳкамлайди.
Туркманистон раҳбари томонидан экилган дарахт халқларимиз ўртасидаги дўстлик ва яхши қўшничилик ришталари бузилмас эканининг рамзларидан бири бўлиб хизмат қилади”, — дейилади хабарда.
