Ҳиндистон ва Японияда ҳам маймунчечак касаллиги қайд этилди
Ҳиндистонда 31, Японияда 30 ёшли фуқарода аниқланган.
Нью-Деҳли ҳукумати Ҳиндистон пойтахтида маймун чечаги билан касалланган биринчи бемор аниқланди. Бу ҳақда Деҳли миллий пойтахт округи бош вазири маълум қилди.
«Ғарбий Деҳлининг 31 ёшли фуқароси уч кун олдин симптомлар билан касалхонага ётқизилган, унинг намуналари шанба куни Миллий вирусология институтига юборилган ва якшанба куни ташхис тасдиқланган. Ҳиндистон шифохоналаридан бирида (Nayak Jai Prakash Narayan Hospital) ушбу касалликни даволаш учун махсус изоляция бўлими ташкил этилган», — дейилади вак телеграм-каналида.
Маймун чечаги Япония пойтахтида ҳам қайд этилди. Kyodo агентлиги маълумотларига кўра, инфекция Европадан қайтган 30 ёшли эркакда аниқланган.
Токио маъмурияти маълумотларига кўра, бемор 15 июль куни ўзини ёмон ҳис қилган. Иситма, тошма, бош оғриғи. Ҳозир бемор шифохонада.
Эслатиб ўтамиз, 23 июль куни Жаҳон соғлиқни сақлаш ташкилоти маймун чечагининг тарқалишини глобал фавқулодда ҳолат деб эълон қилган эди.
Ташкилот маълумотларига кўра, 75 мамлакатда 16 мингдан ортиқ одам ушбу касалликка чалинган ва 5 киши вафот этган.
