Тайваннинг изоляциясига йўл қўймаймиз — Пелоси
Вакиллар палатаси спикери 2 август оролга ташриф буюрганди.
АҚШ Хитойнинг Тайванни яккалаб қўйишига йўл қўймайди. Бу ҳақда Конгресс вакиллар палатаси спикери Нэнси Пэлоси матбуот анжуманида маълум қилди.
“Биз Хитойнинг Тайванни изоляция қилишига йўл қўймаймиз. Улар Тайбэйнинг ЖССТда иштирок этишига йўл қўймаяпти, ваҳоланки тайванликлар ташкилотга катта ҳисса қўшиши мумкин. Улар Тайвань расмийларининг бу тадбирларга боришига йўл қўймаслиги мумкин, аммо бизнинг оролга боришимизни чеклай олмайди”, — деган сиёсатчи.
Маълумот ўрнида: Пэлоси Пекиннинг эътирозларига қарамай, 2 август куни Тайванга ташриф билан келган. Бунга жавобан Хитой 4 август куни орол атрофидаги олти нуқтада харбий машғулотлар бошлади. Бундан ташқари, АҚШ билан қатор келишувлар бекор қилинган.
