Эртадан Uzbekistan Airways Sales янги тартибда ишлайди
Хабар қилинишича, офиснинг иш куни давомийлиги узайтирилади.
Тошкентдаги авиачипталар сотуви бош офиси – Uzbekistan Airways Sales йўловчиларга қулайлик яратиш мақсадида 22-августдан бошлаб янги иш жадвалига ўтмоқда, деб хабар берди авиакомпания ахборот хизмати.
Маълум қилинишича, эндиликда филиал ҳар куни соат 08:00 дан 21:00 гача фаолият юритади.
Эслатиб ўтамиз, бундан олдин авиакомпания Урганчдан Италиянинг Милан шаҳрига мунтазам рейсларни йўлга қўйгани хабар қилинганди. Мазкур йўналишда авиақатновлар ҳафтанинг жума кунида амалга оширилади.
