Тайвань раҳбари: АҚШ энг асосий ҳамкоримиз
Аввалроқ Вашингтон-Тайбей савдо музокаралари ўтказиши маълум қилинганди.
Тайвань АҚШни Ҳинд-Тинч океани минтақасидаги хавфсизлик ва иқтисодиёт бўйича асосий иттифоқчи деб ҳисоблайди. Бу ҳақда маъмурий ҳудуд раҳбари Цай Инвень маълум қилди.
У бу ҳақда Индиана штати губернатори Эрик Холкомб билан учрашувда айтган.
“Тайвань ва АҚШ бу демократия ва эркинликни илгари сурувчи ҳамкорлар ҳамда Ҳинд-Тинч океани минтақасидаги хавфсизлик ва иқтисодиёт бўйича асосий иттифоқчилар ҳисобланади”, – деган сиёсатчи.
Инвень Тайбейнинг Хитой томонидан ҳарбий таҳдидга учраётганини таъкидлаган.
Холкомб якшанба куни Тайванга эълон қилинмаган ташриф билан келди. Унинг сафари 4 кун давом этади.
Аввалроқ Вашингтон ва Тайбей кузда савдо музокаралари ўтказиши маълум бўлганди.
