"Forbes" миллиардерлари базм ўтказадиган ресторан сотилди
У Алишер Усмоновга тегишли бўлган.
Ўзбекистонлик миллиардер Алишер Усмонов “Safisa” VIP банкет залини сотиб олганидан 7 ой ўтиб сотиб юборди.
Рестораннинг янги эгалари “PVS ва IAM” асосчилари, бизнесменлар Вачаган Петросов (70%) ва Азик Илишаев (30%) бўлди, дейилади "Spot.uz" берган хабарда.
Ўз эгаларини бир неча бор ўзгартирган “Safisa” ресторанини Усмонов “Vi Holding” президенти Виталий Машчитскийдан 2022 йил январида сотиб олгани айтилмоқда.
Мазкур банкет зал 2005 йилда Черкизовский бозорининг собиқ эгаси Телман Исмоилов томонидан қурилган.
“Safisa” 3000 дан ортиқ тадбирлар ўтказилиб, унда 100 дан ортиқ юлдуз санъаткорлар чиқиш қилган.
Биллур қандиллар, мармар поллар ва зарҳал зинапояларга эга икки қаватли қасрда сиёсий байрамлар нишонланади ва "Forbes"рўйхатидаги миллиардер оилаларнинг базмлари ўтказилади.
