Хоразмда темирйўл идорасига ишга киритиш учун пора олган шахс ушланди
Ҳолат юзасидан терговга қадар текширув бошланган.
Хоразм вилоятининг Урганч туманида фуқаро темирйўл идорасига ишга киритиш учун пора олган вақтида қўлга тушди. Бу ҳақда ИИВ Транспорт ва туризм объектларида хавфсизликни таъминлаш департаменти хабар берди.
Жорий йилнинг 30 август куни Хоразм вилояти ИИБ Транспортда ХТБ бошлиғи номига С.С. исмли шахс ариза билан мурожаат қилиб, Урганч темир йўл ташкилотида ишловчи «А» исмли шахс ўзининг мансабдор танишлари орқали уни темирйўл идораларидан бирига ишга киритиб қўйиш эвазига 3000 АҚШ доллари пул талаб қилаётганлигини ёзиб, унга нисбатан қонуний чора кўришни сўраган.
Аризага асосан ўтказилган тадбир давомида 1996 йилда туғилган Хоразм вилояти Урганч туманида яшовчи Р.А. аризачи фуқаро С.С.дан келишилган 3000 АҚШ доллар пулларни Урганч шаҳридаги «Жавоҳир» чойхонасида олган вақтида ушланган.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
