Сурия армияси вертолёти парвоз вақтида ҳалокатга учради
Ундаги экипаж аъзолари вафот этган.
Сурия қуролли кучларининг вертолёти Хама шаҳри яқинида техник носозлик сабаб ҳалокатга учради. Бу ҳақда мамлакат мудофаа вазирлигига таяниб, “РИА Новости” нашри хабар бермоқда.
Агентлик маълумотларига кўра, вертолёт ўқув парвозини амалга ошираётган бўлган. Ҳодиса оқибатида экипаж аъзолари ҳалок бўлган.
Эслатиб ўтамиз, аввалроқ Туркиянинг Бурса шаҳрида бир двигателли ўқув самолёти тураржой бинолари орасига қулаб тушганди. Шундан сўнг самолётга ёнғин чиққан.
