Жанубий Корея мамлакатга кириш учун мажбурий ПЦР-тестини бекор қилди
Бироқ айрим карантин қоидалари сақланиб қолган.
2022 йилнинг 3 сентябрдан бошлаб Жанубий Корея мамлакатга келаётган йўловчиларга ПЦР-тестларини тақдим этиш талабларини бекор қилди. Бу ҳақда Uzbekistan Airways хабар бермоқда.
Қайд этилишича, Корея Республикасига кириш учун махсус карантин шаклини ҳаво кемаси бортида тўлдириш ва мамлакатга кириш чоғида карантин хизмати ходимларига тақдим этиш қоидалари сақланиб қолади.
Шунингдек, мамлакатга келганидан кейин сайёҳлар 24 соат ичида COVID-19 учун ПЦР-тестини топширишлари, тест натижалари тўғрисида эса карантин хизматини электрон манзил орқали хабардор қилишлари мажбурийдир.
