Австрия ТИВ: Россиядан санкциялар аста-секин олиб ташланиши мумкин
Расмий Вена Москва-Киев музокаралари ўтказиш учун платформа яратишга тайёрлигини билдирди.
Россиядан санкциялар босқичма-босқич олиб ташланиши мумкин. Бу ҳақда Австрия таши ишлар вазири Александр Шалленберг маълум қилди.
“Санкциялар ўзгарувчан восита, аммо ҳозирда бу ҳақда гапиришга эрта. Умид қиламанки, қачондир дипломатия муваффақиятга эриша оладиган даврга келамиз. Ҳозир стратегик сабр ва мустаҳкам асаблар керак. Санкциялар ҳар куни янада самарали бўлиб бормоқда”, – деган у Wiener Zeitung нашрига берган интервьюсида.
Шу билан бирга ҳозирда ЕИ санкциялар остидаги россияликларнинг “қора рўйхат”дан чиқармаслиги таъкидланган.
Бундан ташқари, Шалленберг Вена Россия-Украина музокаралари учун платформа яратиб беришга тайёрлигини айтган. Аммо у ҳозирча Москва томони тинчлик музокаралари томон қадам ташламаётганини қайд этган.
Аввалроқ Австрия канцлери Россия газига қарамликдан қутулиш мушкуллигини айтганди.
