Австрия канцлери Карл Нехаммер унинг давлати ҳамон Россия энергетик ресурсларидан кучли қарамлигини тан олди. Бу ҳақда “Коммерсантъ” хабар берди.

 

“Вақт талаб этилади, чунки биз Россия газидан 80 фоиз қараммиз. Вазият худди Германиядаги каби, саноат ва уй хўжалигимиз газга муҳтож. Биз мустақилликка эришиш учун ҳамма нарса қиламиз, аммо бугун ҳам, эртага ҳам бунинг иложи йўқ”, – деган у NBC телеканалига берган интервьюсида.

 

Унинг қўшимча қилишича, бир неча йилдан сўнг бунга эришиш мумкин.

 

Аввалроқ Европа Нигериядан газ сотиб олишни кўпайтирмоқчи эканлиги тўғрисида хабар берилганди.